පොලව දළුලා සිනාසෙන්නේ
අහස හෙලනා කදුලු වැස්සෙනි
ඒ අහස වාගේ සමහරෙක්
දිවිගෙවති මේ මිහිතලේ
කෙනෙකුගේ කදුලක් නිවන්නට
තම නෙතින් කදුලැලි හෙලු
කෙනෙකුගෙ ජීවය රකින්නට
තමන්ගෙ දිවි කැප කෙරු
කෙනෙක් ගැන නිති සිත සිතා
තමන් ගැනවත් නොසිතනා
කෙනෙකුගෙ සතුටක් පතා නිති
කාටත් හොරෙන් කදුලැලි සැලු
ඒ අහස වාගේ සමහරෙක්
දිවිගෙවති මේ මිහිතලේ
මව්නි පියාණනි ඒ ඔබමමයි
මව්නි පියාණනි ඒ අහස නුඹයි
නුඹේ සෙනෙහස ඒ අහස සේ
පරතෙරක් නැත හැම තැනම ඇත
Written By “Rasheedha Ramjani”
